១ ក្រុងកែបក្រុងទេពនិមិត្តស្រស់ ខ្នងភ្នំព្រៃប្រស់រំលេចពណ៌
បៃតងខៀវខ្ចីឆ្នៃសែនល្អ ជាខឿនទេសចរណ៍ពីធម្មជាតិ ។
២ ក្រុងកែបឆើតឆាយនាយជាយដែន សមុទ្រភូមិផែនកោះព្រោងព្រាត
ខ្នងភ្នំព្រៃធំកៀកមិនឃ្លាត ឡើងចុះខ្ពស់ទាបគួរបេតី ។
ខ្នងភ្នំព្រៃធំកៀកមិនឃ្លាត ឡើងចុះខ្ពស់ទាបគួរបេតី ។
៣ ក្រុងកែបមានភ្នំបណ្តុំជិត ឈរទ្រឹងហើយស្និតញាតិប្រុសស្រី
កំសាន្តសមុទ្រឆ្នេរចរណៃ ល្អឥតមានបីក្នុងលោកា ។
កំសាន្តសមុទ្រឆ្នេរចរណៃ ល្អឥតមានបីក្នុងលោកា ។
៤ ក្រុងកែបក្រុងទេពនិមិត្តប្លែក សួនច្បារគាប់ភ្នែកមនុស្សគ្រប់គ្នា
បៃតងលឿងទំចោលគន្ធា ដាមជាប់នាសារអោយរលឹក ។
បៃតងលឿងទំចោលគន្ធា ដាមជាប់នាសារអោយរលឹក ។
៥ ក្រុងកែបក្រុងទេពអែបមាត់ច្រាំង ឆ្នេរខ្សាច់សចាំងរលកទឹក
ប្រៀបពេជ្រចរណៃថ្លៃអោយនឹក ទេសចរណ៍ឈរភ្លឹកភ្លាំងកាមា ។
ប្រៀបពេជ្រចរណៃថ្លៃអោយនឹក ទេសចរណ៍ឈរភ្លឹកភ្លាំងកាមា ។
៦ ក្រុងកែបឆ្នេរខ្សាច់ស្រស់បំព្រង សន្ធឹងតាមដងភ្នំព្រឹក្សា
ជំនោរបរិសុទ្ធស្រោបកាយា ស្លុងស្លុតកាមានឹងទេសភាព ។
ជំនោរបរិសុទ្ធស្រោបកាយា ស្លុងស្លុតកាមានឹងទេសភាព ។
៧ ក្រុងកែបឆ្នេរខ្សាច់សម៉ត់ខៃ សមុទ្រទឹកប្រៃថ្ងៃទន់ទាប
ផ្ទៃមេឃពណ៌មាសថ្ងៃផ្តើមក្រាប រំលេចទេសភាពល្អឥតខ្ចោះ ។
ផ្ទៃមេឃពណ៌មាសថ្ងៃផ្តើមក្រាប រំលេចទេសភាពល្អឥតខ្ចោះ ។
៨ ក្រុងកែបទេសភាពសមុុទ្រខ្មែរ កៀកកើយបំពេរដោយសម្ឋស្ប
ប្រស់មន្តញញឹមសង្ឃឹមខ្ពស់ សង្ឃឹមថាមនុស្សនឹងពេញចិត្ត ។
ប្រស់មន្តញញឹមសង្ឃឹមខ្ពស់ សង្ឃឹមថាមនុស្សនឹងពេញចិត្ត ។
៩ ក្រុងកែបទេសភាពសមុទ្រខ្មែរ ធម្មជាតិបំពេរអារម្មណ៍ពិត
កំសាន្តឆ្នេរខ្សាច់ឆ្ងាយនិងជិត ងូតទឹកបំបាត់អារម្មណ៍ស្អុស ។
កំសាន្តឆ្នេរខ្សាច់ឆ្ងាយនិងជិត ងូតទឹកបំបាត់អារម្មណ៍ស្អុស ។
១០ ក្រុងកែបក្រុងទេពនិមិត្តខ្មែរ ក្រោមម្លប់ដូងរេតាមខ្យល់អូស
តន្រ្តីសមុទ្រលោមអោយចុះ ឈរទ្រឹហមើលកោះនាយជលសារ ។
តន្រ្តីសមុទ្រលោមអោយចុះ ឈរទ្រឹហមើលកោះនាយជលសារ ។
១១ ក្រុងកែបទេសភាពសមុទ្រស្ងប់ ឆ្នេរខ្សាច់ដណ្តប់ប្របសួនច្បារ
ក្រុងកែបទេសភាពសួនគ្រួសារ ជុំញុាំអាហារដ៏ឈ្ងុយឆ្ងាញ់ ។
ក្រុងកែបទេសភាពសួនគ្រួសារ ជុំញុាំអាហារដ៏ឈ្ងុយឆ្ងាញ់ ។
១២ ក្រុងកែបទេសភាពទេព្វប្រយុថ ឋានសួគ៌សមុទ្រផុតទោម្នេញ
ក្រុងកំពង់សោមប្រៀបភ្នំពេញ ទៅហើយវិលវិញសូមសវត្ថភាព ៕
ក្រុងកំពង់សោមប្រៀបភ្នំពេញ ទៅហើយវិលវិញសូមសវត្ថភាព ៕
និពន្ធដោយវេជ្ជបណ្ឌិត ញូង ភក្តី នៃមាតុភូមិបៃតងកម្ពុជា
