កំលាំងចិត្តគ្រូពេទ្យល្អ បទពាក្យ៧ ១៥ ១០ ២០១១

១   កើតមកព្រះរស់លោកព្យាយាម          ហូរញើសជាឈាមប្តូរមកប្រាក់

   អោយកូនសិក្សាគ្រប់ជាន់ថ្នាក់              ជោគជ័យប្រត្យក្សជាមនុស្សល្អ   ។

២   វេជ្ជបណ្ឌិតងារឧត្តម                         មុខមាត់សង្គមស្រស់បវរ

   ធ្វើការរាល់ថ្ងៃដោយទ័យធម៌                 ធ្ងន់ចិត្តខាំកពាក្យអសុរោះ   ។

៣   បណ្ឌិតគ្រូពេទ្យល្អអាក្រក់              សំណល់កក្វក់លាមកស្រោះ

   ដុសជូតយ៉ាងស្អាតប្តូរអោយស្រស់       ឈឺយូរថែមជុះសើមជោគគ្រែ  ។

៤   គ្រូពេទ្យធ្វើការនឹងខ្ទុះឈាម              ខាកស្តោះកកក្រៀមពូកក្នើយខ្សែ

   ប្រឈមមេរោគច្រើនលើសគេ             ចិត្តមិនខ្លាចទេលាងដៃស្រេច  ។

៥   គ្រូពេទ្យប្រៀបបានទេវតាថ្នាំ             ព្យាបាលប្រស់កម្មគក់ច្របាច់

   មើលថែជំងឺធៀបដូចស្តេច                 មិនអោយមនុស្សក្សត្រក្ស័យនឹងរោគ ។

៦   គ្រូពេទ្យបូមស្លែសសំអាតកាយ         អាហារទាំងឡាយឈរបញ្ចុក

    ខ្លះក្អួតហើយឈ្លក់នៅនឹងមុខ            សំអាតទាំងទុក្ខធប់អារម្មណ៍   ។

៧   គ្រូពេទ្យមើលថែជំងឺធ្ងន់                 ដំបៅខ្ទុះខន់ហូរជោគជាំ

    ក្លិនស្អុយឆ្អេះឆ្អាបជាប់រងំ                   ចិត្តធន់នៅខំអនាម័យ    ។

៨   គ្រូពេទ្យចិត្តជាទេវតារស់                 ស្លាប់ហើយតែងប្រស់ជីវិតថ្លៃ

   ប្រើសព្វវិជ្ជាម៉ាស៊ីនឆ្នៃ                       ដង្ហើមវែងខ្លីតាមត្រូវការ   ។

៩   គ្រូពេទ្យជួយផ្តល់កំលាំងចិត្ត            ញាតិផងឆ្ងាយជិតមិនរើសងារ

    ក្រមានខ្ពស់ទាបពូជសាសន៍ណា       ឈឺមើលអោយជាផុតទុក្ខភ័យ   ។

១០  គ្រូពេទ្យព្យាបាលទាំងញញឹម         ដោយភាពសង្ឃឹមម៉ឺងម៉ាត់ក្រៃ

   យកចិត្តទុក្ខដាក់ប្រាជ្ញាវៃ                    តាមដានរោគថ្មីមកបៀតបៀន   ។

១១  គ្រូពេទ្យព្យាបាលដោយយុត្តិធម៌     ញញឹមក្រោកឈរមើលសណ្តាន

    កុំបីទើសទាល់សំដីប្រាណ                មាគ់ងាយប្រមានដៀលផ្តេសផ្តាស ។

១២  គ្រូពេទ្យមើលថែសុខភាពអ្នក       មិនត្អូញលំបាកទោះក្មេងចាស់

     ពីព្រឹកដល់ល្ងាចនឿយហត់ណាស់   គេស្បើយជាសះទើបរួចខ្លួន   ។

១៣  គ្រូពេទ្យមើលថែអ្នកដូចស្តេច       លើសខ្វះច្រើនតិចកាន់ធម៌បួន

   មេត្តាករុណាសីលក្រមក្បូន               ស្រដីសមសួនខ្មែរតែមួយ   ។

១៤  ពេទ្យអើយសូមអ្នកជួបជ័យពរ       រូបសម្បត្តិល្អកុំបីព្រួយ

   សុខៈពលៈឈ្នះអស់ធ្លោយ               ជាតិមុខជាតិក្រោយពេទ្យទេវតា ។

   

      និពន្ធដោយវេជ្ជបណ្ឌិត  ញូង  ភក្តី នៃមន្ទីរពេទ្យកុមារអង្គរ

​