១ កើតមកជាតិនេះ មានតែចំណេះ ពីគ្រូសាស្រ្តា
ព្យាយាមអំណត់ តោងចិត្តសិក្សា ក្រេបស្រង់វិជ្ជា
សីលធម៌គ្រូពេទ្យ ។
២ តាំងចិត្តជាមុន ថាមិនទំរុន ជួយមើលទុក្ខវេទ
ភារកិច្ចជាធំ ខ្មែរយំខ្ញុំគិត ខ្ញុំជួយបំបាត់
ព្យាបាលរោគា ។
៣ តាំងចិត្តអោយល្អ គ្រូពេទ្យមនុស្សធម៌ សុខភាពខេមរា
កុំឃើញតែប្រាក់ អន្ទាក់ទោសា មើលខ្មែរគ្រប់គ្នា
មិនធ្វេសអោយឆ្គង ។
៤ កើតមកខ្មែរនេះ សូមខ្មែរត្រិះរិះ ស្រលាញ់ខ្មែរផង
រោគាកូនខ្មែរ គឺទុក្ខពេទ្យម្តង ព្យាបាលដោយត្រង់
តាមក្រមមនុស្សល្អ ។
ដោយ៖
វេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ
No comments:
Post a Comment