១ រីករាយថ្ងៃខួបកំណើតដល់អ្នក
មង្គលចារឆ្លាក់ថ្លៃថ្លាស្រស់ល្អ
រកសុីមានបានសុខសាន្តបវរ
ជោគជ័យដោយពរពិតបួនប្រការ ។
២ អាយុវណ្ណៈសុខៈពលៈ
សូមអោយបានឈ្នះអស់សត្រូវមា
រស់នៅថ្កើងថ្កានព្រមទាំងគ្រួសារ
សូមធម៌មេត្តាដល់អ្នកជានិច្ច ។
៣ សូមទទួលបានមហាសម្បត្តិទ្រព្យ
ហូរចូលដោយភ័ព្វមាសប្រាក់ត្បូងពេជ្រ
សុខភាពមាំមួនជំងឺវាងគេច
រោគាស្បើយខ្លាចអាយុយឺនយូរ ។
៤ សូមទទួលបានប្រាជ្ញាវាងវៃ
សិរីសួរស្តីកិត្តិយសថ្លៃថ្នូរ
សុភមង្គលមហាបរិបូរណ៍
ឆ្នាំថ្មីផ្លាស់ប្តូរដោយពរជាញាណ ។
៥ រីករាយរីករាយថ្ងៃខួបកំណើត
សូមអោយបានកើតពរទាំងប៉ុន្មាន
រីករាយរីករាយសប្បាយក្សេមក្សាន្ត
ពរពិតជាយាន្តជួបសុខរៀងអើយ ៕
និពន្ធដោយវេជ្ជបណ្ឌិត ញូង ភក្តី កវីមាតុភូមិបៃតង
No comments:
Post a Comment