លៀងភោជនាហារកុមារអង្គរ បទកាគតិ ០៨ ០៦ ២០១៣

ប្រាំបីមិថុនា លៀងភោជនាហារ កុមារអង្គរ

មន្ទីរពេទ្យថ្មី បុគ្គលិកថ្មីល្អ ដោយចិត្តមនុស្សធម៌

ញញឺមរាក់ទាក់ ។

ប្រាំបីមិថុនា យើងជួបជុំគ្នា ញុាំម្ហូបហ៊ឹកហ៊ាក់

សណ្តែកបំពង ស្ងោរមាន់ខ្មៅជាក់ ខត្រីយើងដាក់

ផ្សិតខ្មៅពិសេស ។

ប្រាំបីមិថុនា ក្រោមច័ន្ទភ្លឺថ្លា ម្ហូបឆ្ញាញ់យ៉ាងនេះ

យើងញុាំរួមចិត្ត រួមគិតត្រិះរិះ អោយពេទ្យយើងឈ្នះ

សំរេចគោលដៅ ។

ប្រាំបីមិថុនា យើងជួយកុមារ បងប្អូនញាតិផៅ

យើងយកប្រាជ្ញា ព្យាបាលដំបៅ អោយកូនខ្មែរនៅ

បានសុខភាពល្អ ។

ប្រាំបីមិថុនា គ្រូពេទ្យកុមារ ជប់លៀងអបអរ

ជោគជ័យឆ្នាំចាស់ ឆ្នាំថ្មីបន្ត សុខភាពបវរ

កូនខ្មែរគ្រប់រូប ។

ប្រាំបីមិថុនា ដុកទ័រភក្ត្រា William J Housworth

ដុកទ័រពេសេស ក្នុងចិត្តរំភើប យើងញុាំយើងជួប

ប្រៀបគ្រួសារមួយ ។

ប្រាំបីមិថុនា ញញឹមការពារ ស្មោះស្ម័គ្រព្រមជួយ

បួជាញើសឈាម កំលាំងកាយស្ទួយ អោយខ្មែរយើងមួយ

រស់យ៉ាងសុខសាន្ត ។

ប្រាំបីមិថុនា យើងចាប់ដៃគ្នា អោយពេទ្យថ្កើងថ្កាន

ជំនួយមនុស្សធម៌ ជួយខ្មែរសាន្តប្រាណ ប្រាជ្ញាយើងមាន

គាំទ្រកម្ពុជា ៕

និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ