១ ឃើញភ្លាមស្រលាញ់ទន្ទេញគិត ភ័ក្រ្តស្រស់វមិត្តដិតដាមនៅ
ថ្ពាល់ស្រស់ទាំងសងបាំងសក់ពៅ បេះដូងបងត្រូវព្រួញស្នេហា ។
២ ក្នុងចិត្តផ្តួចផ្តើមគិតដល់ស្រី ញាប់ញ័រហឬទ័យព្រោះនេត្រា
បេះដូងលោតញាប់ខុសធម្មតា តើស្រស់ពុំងារដឹងខ្លួនទេ ។
៣ កូលាបលោមពណ៌អាវផ្ទៃមេឃ គិតភ្លាមភ្លាំភ្នែកទ្រូងគ្មានល្ហែ
បិតភ្នែកបើកភ្នែកឃើញមាសស្នេហ៍ បងសូមផ្សងថែរផ្កាតទៅ ។
៤ បើរៀមមានភ័ព្វព្រេងនិស័្សយ ផ្កាយល់អត្ថន័យគ្រងចិត្តពៅ
សូមស្ងួនប្រាប់គេថាឆោមឆ្លៅ មានម្ចាស់ស្មោះនៅចាំចំលើយ ។
៥ ផ្សងចិត្តដាំស្នេហ៍អ្នកគ្រូពេទ្យ បេះដូងលោមស្និតស្រស់ត្រានត្រើយ
កុំគេចមុខបងប្រែតោះតើយ ថ្ងៃនេះឆ្នាំក្រោយយើងរៀបការ ។
និពន្ធដោយវេជ្ជបណ្ឌិត ញូង ភក្តី
កវីអភ័ព្វស្នេហ៍បំពេរបេះដូង
No comments:
Post a Comment