១ ធម្មជាតិប្រែប្រួលតាមរដូវ ប្រាំងហែងសែនក្តៅស្វិតស្រពោន
ជ្រុះស្លឹកបាក់មែកស្រែកផ្តាំកូន ដល់ភ្លៀងឡើងខ្លួនលាស់ត្រួយថ្មី ។
២ ធម្មជាតិប្រែប្រួលតែងដោយពណ៍ ប្រាំងហែងសែនល្អក្រៀមដូចដី
រដូវវស្សាស្រស់ត្រួយខ្ចី
ពណ៍ដូចពេជ្រឆ្នៃគ្របពសុធា ។
៣ ប្រាំងប្រែក្រៀមស្វិតប្រៀបដូចដី វស្សាឆើតឆាយប្រៀបគង្គារ
សំរស់នៃថ្ងៃប្រាង្គរមនា អានុភាពកម្ពុជាព្រះពុទ្ធញាណ ។
៤ ពណ៍ថ្ងៃអាទិត្យពិតក្រហម ប្រាង្គអង្គរប៉មសុខថ្កើងថ្កាន
អំណាចលើសលប់ទព័ក្លាហាន ខ្មែរសុខក្សេមក្សាន្តសន្តិភាព ។
៥ ចន្ទ័ពណ៍ទឹកក្រូចដូចបាយ័ន ជំនឿរសែនបន់សុខដរាប
ព្រះភក្រ័្តព្រះព្រហ្មញញឹមជាប់ អោយសុខមនុស្សលោកតរៀងមក ។
៦ ប្រៀបស៊ីជំពូរថ្ងៃអង្គារ ប្រាង្គព្រះវិហារកេរ្តិ៍មរតក
ធម្មជាតិគ្របភ្នំសន្សើមស្រក់ បរិសុទ្ធប្រៀបដូចបុប្ឋាសួគ៍ ។
៧ ថ្ងៃពុធបៃតងធៀបតាព្រហ្ម លាក់ខ្លួនព្រៃធំប្របប្រាង្គតួ
សាងសីលស្ងប់ស្ងាត់លេចក្បាច់ក្បូរ បរិសុទ្ធផង់ផូរគួរគយគន់ ។
៨ ព្រហស្បតិ៍ត្រួយចេកធៀបប្រាជ្ញវៃ ប្រាង្គបន្ទាយស្រីសែនល្វត់ល្វន់
អស្សារាច្រៀងរាំសន្តំមន្ត ទេសចរក្រៅក្នុងចាំជាប់ប្រាណ ។
៩ ថ្ងៃសុក្រពណ៍ខៀវនាំសុខតុម្ហ វង្សតូចវង្សធំស្រុកស្រាកស្រាន្ត
កក់ក្តៅជឿជាក់សុខស្រួលបាន ពណ៍នាំក្សេមក្សាន្តសន្តិភាព ។
១០ ថ្ងៃសៅរ៍ពណ៍ស្វាយឆ្លាតវៀងវៃ អំណាចប្រាជ្ញល្បីញញឹមធៀប
ប្រាង្គសួនថ្មភក់ដែនធម្មជាតិ កម្ពុរដ្ឋរាជថ្កើងថ្កានទៅ ៕
និពន្ធដោយវេជ្ជបណ្ឌិត ញូង
ភក្តី នៃមន្ទីរពេទ្យកុមារអង្គរ
No comments:
Post a Comment