១ ក្នុងចិត្តសប្បាយបានជួយប្អូន
រៀនខ្ពស់រលូនតាមវិជ្ជា
លុយកាក់ផ្តល់អោយតាមទាមទា
រាល់ពេលការពារមិនដែលលោះ ។
២ ក្នុងចិត្តស្រលាញ់មិនហ៊ានប្រាប់
ខ្លាចមិនអាចផ្គាប់គ្រប់ចណ្លោះ
បេះដូងមួយនេះនឹកគ្មានលោះ
ក្រែងប្អូនមានគ្រោះទុក្ខវេទនា ។
៣ ស្រលាញ់ប្អូនៗស្មើៗមេឃ
ពេលគេងដើរដេកគិតប្រាថ្នា
សូមប្អូនរៀនចប់បានងារការ
ខ្ពស់ព្រោះប្រាជ្ញាយសពុកម៉ែ ។
៤ ចិត្តមួយភ័យព្រួយប្អូនដើរខុស
មើលគុណជាទោសបង់យសកេរ្តិ៍
រៀនក៍មិនជាប់ល្អដូចគេ
នាំទុក្ខឡើងទ្វេដល់គ្រួសារ ។
៥ ចាយចុះលុយនេះជាប្រយោជន៍
រៀនខ្ពស់ជ័យជោគស្ទួយខេមរា
សង្គមជឿនលឿនត្រូវការប្រាជ្ញា
កិត្តិយសរដ្ឋារៀងទៅអើយ ។
និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ
No comments:
Post a Comment