១ ខឹងខុសមួយគ្រាវេទនាណាស់ ធ្វើរឿងផ្តេសផ្តាសវៀចគន្លង
ជីវិតដែលស្រស់ស្វិតចោលទង ផ្តាំប្រាប់ញាតិផងកុំដូចខ្ញុំ ។
២ រឿងតូចតាចសោះលោះមិនបាន អោយចិត្តរុញច្រានពូនដូចភ្នំ
កំដៅទោសាទ្រូងឆេះងំ តណ្ហាបន្លំបាំងចិត្តល្អ ។
៣ បេះដូងតូចពិតជីវិតមួយ ព្រួយអើយសែនព្រួយខ្វះចិត្តធម៌
បង្ខំខ្លួនឯងទាំងត្រដរ អោបទុក្ខយំឈរផ្តាំលោកា ។
៤ សង្ឃឹមថ្ងៃមួយនឹងបានស្បើយ អស់ទុក្ខដល់ត្រើយសុខទ័យា
បេះដូងមួយនេះរួចទោសា សុខរាល់កាយារៀងទៅអើយ
។
និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ
No comments:
Post a Comment