កំណាព្យគ្រូល្អ បទពាក្យ៨ ៣១ ១២ ២០១៣

មិត្តភ័ក្រជួបគ្នាគង់តែបែកគ្នា    

ឧត្តមគ្រួសាេគង់តែឃ្លាតឆ្ងាយ

គុណធម៌គ្រូសិស្សដូចពេជ្រពណ្ណរាយ  

ឆព្វណ្ណរង្សីផ្លូវវែងទៅសុខ   ។

ឆ្នាំមុនជួបជុំបង្ខំអោយបែក    

លាទាំងទឹកភ្នែកចិត្តឆ្អែតនឹងទុក្ខ

ជួបគ្នាបែកគ្នានិស្ស័យទៅមុខ   

ក្នុងទ្រូងសៅសោនឹកសែនអាល័យ  ។

ថ្ងៃនេះបែកគ្នាថ្ងៃក្រោយជួបគ្នា  

  យើងប្រៀបគ្រួសារក្រោមមេឃលើដី

ជួបគ្នាស្គាល់គ្នាព្រោះជានិស្ស័យ 

  វាសនាចង្រៃមិនបែកមិនបាន   ។

គ្រូល្អសិស្សល្អសីលធម៌ប្រាជ្ញា   

  ដិតដាមភាសាអប់រំទូន្មាន

បែកគ្នារយឆ្នាំគង់ចាំមិនខាន     

   បេះដូងយើងមានមានគ្រូជានិច្ច   ។

គ្រូល្អសិស្សល្អ DOCTOR LYDA

ផ្តល់ភាពហានក្លាប្រាជ្ញភ្លឺដូចពេជ្រ

អរគុណខ្លាំងណាស់លទ្ធផលល្អផ្តេច

យើងនឹងមិនភ្លេចគុណល្អលោកឡើយ ។

គ្រូល្អសិស្សល្អមន្ទីរពេទ្យល្អ

កុមារអង្គរយើងខ្វល់គ្មានស្បើយ

គ្រូល្អមួយថ្ងៃនាំសិស្សទៅត្រើយ

A H C អើយយើងចាំគុណលោក ៕

រក្សាសិទ្ធដោយវេជ្ជបណ្ឌិត   ញូង  ភក្តី  នៃមន្ទីរពេទ្យកុមារអង្គរ