ញញឹមដោយបារម្មណ៍ បទពាក្យ៨ ១៨ ០១ ២០១០

១ បើកភ្នែកបិទភ្នែកឃើញតែអ្នកឈឺ ត្រចៀកស្តាប់លឺនិយាយមិនដាច់

  កូនខ្មែរស្រែកយំថ្តាំខ្មែរជានិច្ច ខ្មែរអើយកុំគេចភារកិច្ចជាតិយើង ។

២ ខ្មែរមានបេះដូងពេញទៅដោយទុក្ខ ចង់អោយខ្មែរសុខសន្តិភាពយូរឡើង

  កាតព្វកិច្ចកលបុត្រជួយខ្មែរអោយថ្កើង ខ្មែរអើយរុងរឿងដោយវឌ្ឍនភាព ។

៣ ខ្មែរអើយជាតិផ្សេងមាក់ងាយយើងល្ងង់ ខ្មែរអើយកុំថ្លង់នឹងពាក្យថោកទាប

    កៀកស្មាគ្នាមើលខ្មែរខ្លាំងដ៏រាប ប្រាជ្ញថ្លៃអោយប្រៀបនឹងជាតិដ៏ទៃ ។

៤ បើកភ្នែកបិទភ្នែកខ្មែរស្បើយជំងឺ ខ្មែរអើយទ្រូងឈឺរៀបពេញហឬទ័យ

   ដំបៅបេះដូងសុីរូងចិត្តអើយរីងរៃ ឆ្នាំណារសាយទុក្ខខ្មែរគ្រប់រូប ។

   និពន្ធដោយវេជ្ជបណ្ឌិត  ញូង  ភក្តី  នៃមន្ទីរពេទ្យកុមារអង្គរ