១ ពុកម៉ែតស៊ូអោយកូនរៀនពេទ្យ យកចំណេះពិតមើលគាត់ពេលឈឺ
ដល់កូនរៀនចប់ហៅម៉ែមិនលឺ កូនមើលជំងឺអ្នកផ្សេងឯនាយ ។
២ សង្ឃឹមបានកូនថែរពេលជរា កូនខ្ពស់ប្រាជ្ញាធ្វើការទីឆ្ងាយ
កុមារអង្គរមន្ទីរពេទ្យថ្មី កេរ្តិ៍ឈ្មោះនោះល្បីបានយសពុកម៉ែរ ។
៣ ជួយចុះកូនល្អកលបុត្រប្រុសស្រី ទំពាំងស្នងថ្មីសសរទ្រូងខ្មែរ
ខ្មែរស្បើយជំងឺរៀនបានពូកែ បុព្វហេតុជាតិទ្វេកូនកុំបីភ្លេច ។
៤ កូនអើយចូរដឹងសាវតាជាតិយើង កាលដែលរុងរឿងគេប៉ងកម្ទេច
កុំបីភ្លើតភ្លើនសប្បាយភ្នែកធ្មេច ប្រយ័ត្នចាញ់ល្បិចកលមារសត្រូវ ។
៥ កូនអើយចូរចាំខ្មែរឈឺពេញទ្រូង ដំបៅសុីរូងតដល់ឥលូវ
ជំងឺស្តាយទ្រព្យប្រាប់ខ្មែរតទៅ ខ្មែរស្ពាយទុក្ខនៅគួរធ្វើយ៉ាងណា ។
៦ បុព្វហេតុជាតិនេះម្នាក់ធ្វើបានម្តង កូនអើយកុំឆ្គងស្មាកៀកស្មាគ្នា
ទំនួញកលបុត្ររាស្រ្តពលកម្ពុជា ផ្តាំអស់ខេមរាការពារជាតិផង ៕
និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ
No comments:
Post a Comment