កំលាំងយុវជនស្នេហាជាតិ បទពាក្យ៨ ១០ ០៩ ២០១៣

យុវជនក្លាហានទាហានខេមរា

កិត្តិយសថ្លៃថ្លាជាកងទ័ពស្រួច

តតាំងសត្រូវភ្នំខ្ពស់ធំតូច

ឈាមហូរស្រព្វស្រោចការពារទ្រព្យកេរ្តិ៍ ។

ស្លាប់ដើម្បីជាតិមាតុភូមិយើង

កម្ពុជាញញឹមរំលឹកកូនខ្មែរ

កុំបីភ្លេចខ្លួនភ្លើតភ្លើនតាមគេ

វប្បធម៌លោមថែស្រលាញ់ជាតិផង ។

ស្លាប់ដើម្បីជាតិញាតិខ្សែរវរ្ម័ន

ដៅគូសដែនខ័ណ្ឌគំរូជាតិច្បង

ផ្តាំអស់រាស្ត្រខ្មែរសាមគ្គីវេញចង

ប្តេជ្ញាស្មោះត្រង់ការពារមាតុភូមិ ។

យុវជនខ្មែរឆ្នើមផ្តើមស្នេហាជាតិ

កៀកស្មាខេមញាតិអោយជាតិឧត្តម

គោរពភារកិច្ចមហាក្សត្រជាធំ

កំលាំងរឹងមាំយុវជនកម្ពុជា ៕

និពន្ធដោយវេជ្ជបណ្ឌិត ញូង ភក្តី  នៃមន្ទីរពេទ្យកុមារអង្គរ