ផាហ៊ំស្អំបេះដូង បទពាក្យ៨ ១៥ ០៧ ២០១៣

អូនមិនអាចញុាំមិនអាចគេងស្ងប់       

អូនយំរាល់យប់ពេលនឹកគេម្នាក់

ដួងចិត្តរែងខ្វល់ចង់ពោលពាក្យស្លាក់ 

 ពាក្យស្នេហ៍ដែលទាក់ណែនច្រាលក្នុងទ្រូង ។

អូនគេងសុបិន្តស្រែកហៅស្នេហា        

ដោយមនោសញ្ចេតនាក្តុកក្តួលបេះដូង

ស្រលាញ់គេខ្លាំងដូចភ្នែកទាំងសង     

ស្គាល់ទេនួនល្អងមនុស្សល្ងង់ម្នាក់នោះ  ។

សូមគិតថាបងមនុស្សល្ងង់អូននឹក      

 ថ្ងៃយប់ល្ងាចព្រឹកអូននឹកទាំងឈ្មោះ

មនុស្សដែលអោបអូននឹងទ្រូងស្ម័គ្រស្មោះ 

 បេះដូងលង់លោះផ្តល់ភាពកក់ក្តៅ   ។

ប្រាថ្នាជាមនុស្សអាចមើលថែម៉ុម        

អោបស្ងួនពេលយំពេលចិត្តហ្មងសៅ

ផាហ៊ំបេះដូងលួងលោមឆោមឆ្លៅ       

ថ្ងៃនេះតទៅក្បែរគ្នារហូត  ៕       

    និពន្ធដោយវេជ្ជបណ្ឌិត  ញូង  ភក្តី  នៃមន្ទីរពេទ្យកុមារអង្គរ