កំណាព្យបណ្ឌិតឆ្នើម បទពាក្យ៨ ០៨ ១២ ២០១៣

បណ្ឌិតមានប្រាជ្ញបង្រៀនអ្នកក្រ        
មន្ត្រីឈ្មោះល្អគៀងគរជួយរាស្ត្រ


កលបុត្រប្រុសស្រីវាងវៃតេជះ
            ជាតិខ្មែរនឹងរះឈ្មោះលើសកល ។

បណ្ឌិតប្រឹងរៀនបង្រ្គប់ល្ងង់ខ្លៅ
          អ្នកល្ងង់ល្ងង់ទៅគ្មានទីដៅដល់


បណ្ឌិតចង់ចេះស្វែងរកហេតុផល       
បណ្ឌិតពន្យល់បានយល់គុណធម៌ ។

បណ្ឌិតប្រាជ្ញល្អសសរទ្រូងជាតិ          
គោរពផងញាតិបង្រៀនសិស្សល្អ


បណ្ឌិតមានចិត្តស្រលាញ់សីលធម៌     
កើតមានពីក្រលំហបញ្ញា ។

បណ្ឌិតមើលជាតិយករាស្ត្រជាធំ
          គំនិតឧត្តមអប់រំខេមរា


បង្កប់ដួងចិត្តស្រលាញ់កម្ពុជា             
មើលជាតិសាសនាមហាក្សត្រនៃយើង ។

បណ្ឌិតមានយសរស់ក្រោមទេវញាណ  
បណ្ឌិតក្សេមក្សាន្តនាំជាតិថ្កានថ្កើង


ផ្គត់ផ្គង់កលបុត្រចំណេះដំកើង             
ចេះហើយមិនឆ្មើងមិនភ្លើភ្លេចញាតិ ។

បណ្ឌិតមានយសរស់គំនិតមាស           
បណ្ឌិតល្អឈ្នះមនុស្សល្ងង់រាល់ជាតិ


បណ្ឌិតថ្លៃថ្លាស្នេហាភូមិមាតុ
                បណ្ឌិតយកជាតិជាធំជានិច្ច ៕

និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ