កើតទុក្ខនឹកផ្ទះល្ហេះល្ហះដៃជើង
ស្ទុះស្ទាក្រោកឡើងតាំងពីព្រលឹម
ជិះឡានលឿនក្មាញ់ចិត្តវិញញញឹម
ដល់ផ្ទះសង្ឃឹមញុាំបាយម៉ែដាំ ។
ចុងភៅពិសេសមិនចេះសាបសូន្យ
ញុាំអស់ផ្ទួនៗបើុងដល់បាតឆ្នាំង
ញុាំតាំងពីកើតពេញវ័យគំលាំង
ស្នាដៃម៉ែខ្លាំងនៅឆ្ងាញ់ដដែល ។
អរគុណណាស់ម៉ែពុកម៉ែសំណប់
អរគុណអស់គ្រប់សប្បត្តិក្រាស់ក្រែល
ចិញ្ចឹមដោយបាយការពារដោយខែល
ទ្រព្យកេរ្តិ៍តំណែលកូនរៀនបានខ្ពស់ ។
អរគុណពុកម៉ែម៉ែពុកដ៏ល្អ តែងតែគាំទ្រកូនអោយមានឈ្មោះ
កូនមានថ្ងៃនេះជួយលើកកិត្តិយស
កូនសុខក៍ព្រោះញើសឈាមពុកម៉ែ ។
អរគុណអនេកទឹកភ្នែកលោកណាស់
គុណលោកដូចព្រះរួមរស់មើលថែ
សូមអស់ទេវតាមើលលោកទាំងទ្វេ
ការពារពុកម៉ែអាយុយឿនយូ ។
អរគុណបំផុតលើមនុស្សក្នុងលោក
គុណបុណ្យគគោកសូមមកជាគូរ
សូមពរទាំងដប់មកគ្រប់បរិបូរណ៍
សុខភាពបរិបូរណ៍ដោយយសថ្លៃថ្លា ។
ចុងភៅពិសេសគឺអ្នកម៉ែខ្ញុំ
ពុកខ្ញុំគុណធំធំលើសជលសា
កូនសូមគោរពហើយក្រាបវន្ទា
សូមជាទេវតារក្សាយើងផង ៕
រក្សាសិទ្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ
No comments:
Post a Comment