ពុកមានតេជៈ ធៀបដូចជាព្រះ ក្នុងផ្ទះនៃយើង
ថែមអ្នកការពារ ស្ងួនភ្ញាអោយថ្កើង កូនអើយកុំឆ្មើង
ប្រាសចាកផ្លូវធម៌ ។
ពុកមានបារមី ឆព្វណ្ណរង្សី ទសពិធបវរ
អមដោយច្បាប់ក្បួន
ទូន្មានកូនល្អ ផ្សងនូវទេវពរ
តាមធម៌ជីវី ។
ពុកមានគុណធ្ងន់ គុណសែងរែកពន់ ធ្ងន់លើសប្រថពី
ដូចព្រហ្មក្នុងផ្ទះ លាភឈ្នះសំភី កូនអើយមូលមី
គោរពជានិច្ច ។
ពុកមានកិត្តិយស ប្រៀបគុណព្រះរស់ អណ្តែតមិនលិច
លោកគឺជាស្ពាន មាសប្រាក់ត្បូងពេជ្រ កូនអើយកុំភ្លេច
រំលឹកគុណនេះ ៕
និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ
No comments:
Post a Comment