កំណាព្យលូចស្នេហ៍ បទពាក្យ៨ ១៨ ១០ ២០១៣

១  គ្រាន់តែលូចគិតចិត្តផ្សងប្រាថ្នា        
អារម្មណ៍ឯការសាត់បាត់ទៅ


     គ្រាន់តែមមើលនឹកដល់ពាលពៅ        
អារម្មណ៍និតនៅក្បែរពុំងារ ។

២  គ្រាន់តែលូចមើលស្ងួនពីចំងាយ       
រញ្ជួួយហឬទ័យអារម្មណ៍នឹកនា

     
បេះដូងលោតញាប់ខុសពេលធម្មតា   
តាមខ្សែរនេត្រាសំឡឹងមិនដាក់ ។

៣  គ្រាន់តែលូចស្តាប់សំដីនឹមនួន 
        ដើមទ្រូងអង្រួនខ្លួនប្រែត្រជាក់

     
ក្នុងចិត្តពោពេញដោយក្តីស្មោះស្ម័ក្រ   
ឃើញអូនតែម្នាក់ដែលល្អលើសគេ ។

៤  គ្រាន់តែលូចមើលស្រស់ស្រីញញឹម   
បេះដូងសង្ឃឹមញញឹមតាមដែរ


     ឱរាក្តុកក្តួលរំភើបម្លេះទេ 
                 លូចលាក់មាសស្នេហ៍ក្នុងចិត្តម្នាក់ឯង ។

៥  គ្រាន់តែស្រលាញ់មនុស្សចិត្តល្អម្នាក់ 
  អារម្មណ៍ដែលស្ម័ក្រហាក់លែងគិតក្រែង


​     ចង់តែប្រាប់ស្ងួនអារម្មណ៍ជាក់ស្តែង   
ទោះគិតម្នាក់ឯងក៍មិនស្តាយក្រោយ ។

៦  គ្រាន់តែជាមនុស្សលូចស្រលាញ់ស្រី   
បេះដូងអរភ័យត្រៀមស្រែកដង្ហោយ


     ចង់ប្រាប់ដល់ស្ងួនទោះខឹងក៍ដោយ    
ជាតិនេះជាតិក្រោយជួបគ្នារហូត ។

៧  គ្រាន់តែជាមនុស្សលូចគិតលូចប្រាថ្នា
  លូចលាក់ពុំងាមិនចង់របូត


    ផ្តើមចិត្តប្រចណ្ឌមនុស្សផ្សេងដែលអួត      
ចិត្តនេះនឹងឆ្កួតបើស្ងួនជ្រើសគេ ។

៨  គ្រាន់តែជាមនុស្សមាមអូនក្នុងចិត្ត  
អារម្មណ៍ស្មោះពិតគ្មានគិតប្រួលប្រែ

    ស្រលាញ់អូនណាស់សុំចិត្តមាសមេ
     កុំមើលរូបគេសំលាប់បងណា ៕

         និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ