កំលាំងទឹកចិត្តបុគ្គលិកមន្ទីរពេទ្យយើង បទកាគតិ ១៥ ០៤ ២០១៤

១ កុមារអង្គរ មន្ទីរពេទ្យល្អ ក្នុងខេត្តសៀមរាប

ទទួលពិនិត្យ មើលថែសុខភាព ធ្វើការដ៏រាប

គុណភាពព្យាបាល ។

២ កុមារអង្គរ មន្ទីរពេទ្យល្អ គុណភាពគ្រិះក្រាល

ក្បួនខ្នាតត្រឹមត្រូវ តទៅដំណាល នឹងក្លាយជាថ្នាល

បណ្តុះវិជ្ជា ។

៣ កុមារអង្គរ សេវាកម្មល្អ ញញឹមរាបសារ

សំដីពិរោះ ស្តាប់ស្ងប់ទ័យា យល់សព្វរោគា

គ្រួសារសប្បាយ ។

៤ កុមារអង្គរ ទឹកចិត្តស្មោះស រំសាយទុក្ខភ័យ

រោគាព្យាធិ កុមារប្រុសស្រី មកភ្លាមបានស្បើយ

សុខភាពមាមួន ។

៥ កុមារអង្គរ បុគ្គលិកសែនល្អ ឈរចាំបងប្អូន

ពន្យល់បកស្រាយ បញ្ហាខ្ចប់ខ្ជួន ចិត្តធម៌ពេញខ្លួន

មេត្តាករុណា ។

៦ កុមារអង្គរ ស្រលាញ់មនុស្សធម៌ ព្យាយាមឧស្សា

គួបផ្សំជាក្រុម ស្មាកៀកស្មាគ្នា សំរេចការងារ

ទៅមុខរហូត ។

៧ កុមារអង្ករ ស្នាមញញឹមល្អ បុគ្គលិករៀនសូត្រ

ចំណេះដឹងថ្មី វិន័យតាមត្រួត រមទមស្លូតបូត

គ្រូពេទ្យគំរូ ។

៨ កុមារអង្គរ គោរពសីលធម៌ គ្រូពេទ្យតស៊ូ

ធ្វើការយប់ថ្ងៃ មិនដែលស្រែកថ្ងូរ ទោះញើសឈាមហូរ

មិនដែលស្រណោះ ។

៩ កុមារអង្គរ គុណភាពក៍ល្អ ព្យាបាលសង្រ្គោះ

គុណភាពសកល ខ្មែរស្លាប់ប្រែរស់ ញាតិមិត្តក៍ស្រស់

រីករាយជួបជុំ ។

១០ កុមារអង្គរ មូលដ្ឋានមនុស្សធម៌ មង្គលសង្គម

កុមារប្រុសស្រី សុខភាពឧត្តម បុគ្គលិកយើងខំ

តទៅរៀងអើយ ៕

និពន្ធដោយវេជ្ជបណ្ឌិត ញូង ភក្តី នៃមន្ទីរពេទ្យកុមារអង្គរ